No finn du Svanemerket også i leikebutikken – i fyrste omgang på plastleiker frå Dantoy.
Plast kan innhalde litt av kvart av kjemikal, blant anna ftalater og bisfenol A – stoff som som kan verke hormonforstyrrande og vere skadelege for helsa til barna. Svanemerkte plastleiker er eit trygt val – utan miljøgifter.
– Eg er utruleg glad for at norske forbrukarar no får sjansen til å gjere gode miljøval også i leikebutikken, seier Alvhild Hedstein, direktør i Miljømerking.
Det er den danske leiketysprodusenten Dantoy som no har fått Svanemerket på sand- og vassleikety, kjøkkenutstyr (koppestell) og byggjeklossar av plast. Leikene er produserte i Danmark.
I Noreg blir Dantoy forhandla av:
- Br-leker
- Toys R Us
- Yes
- Extra-Leker
- Europris
- Enkelte Brio-butikkar
- Ringo Pytt & panne
Les meir hos Miljømerking
Sist oppdatert 23.11.2010
