Laurdag 4. juni er det miljøfestival med miljøtorg i Oslo sentrum. Vi kjem dit med råd og rettleiing om farlege stoff i vanlege forbrukarprodukt. Kjem du?
Oslo Miljøfestival er eit samarbeid mellom Grøn Kvardag og Oslo kommune.
Klima- og forureiningsdirektoratet (Klif) skal ha en eigen stand og ønskjer saman med over 50 andre utstillarar, å inspirere deg til ein grønare kvardag. Forutan informasjon om verstingstoff i produkt, vil vi vise små filmar om miljøutfordringar i kvardagen og invitere deg til å vere med på quiz.
Det vil også bli gratis konsertar, skaterampe, laidbacklounge, matservering, klovnar og mykje meir. Miljøtorget er ope frå klokka 10–18.
Sist oppdatert 31.05.2011
